اتوارمجلس ۲۵جنوری ۲۰۱۵ء:فیضانِ رحمتِ الٰہیہ | ||
اصلاحی مجلس کی جھلکیاں مجلس کے آغاز میں جناب اثرصاحب دامت برکاتہم نے اپنے اصلاحی اشعار سنانے شروع کئے ۔ تقریباً ۱۲ منٹ بعد حضرت والا دامت برکاتہم مجلس میں رونق افروز ہوئے، سلام فرمایا اور نیا وعظ ، سلسلہ مواعظِ اختر نمبر ۳۷ بعنوان ’’ گلدستہ ٔ ارشادات ‘‘ پڑھ کر حاضرینِ مجلس کو سنایا ۔آج کی مجلس کا دورانیہ تقریباً ۵۲ منٹ تھا۔ اہم مضامین · فیضانِ رحمتِ الٰہیہ یعنی اللہ تعالیٰ کی رحمت کی بارش کا نام برکت ہے · جس پر رحمت کی بارش ہوگی اُس کو تمام گناہوں سے بچایا جائے گا۔ · ناز مت کرو !ہر وقت اللہ تعالیٰ سے مدد مانگتے رہو۔ · اللہ کے راستے میں شیر کی طرح رہو، لومڑی مت بنو! · استقامت یہ ہے کہ جس بات سے اللہ خوش ہوں اُس کو اختیار کرواور جس بات سے اللہ تعالیٰ ناراض ہوں اُس کو چھوڑ دو۔ · بس نفس کی حرام خواہشات پر عمل نہ کرو تو سلوک طے ہوجائے گا! · معارف مثنوی حضرت والا رحمۃ اللہ علیہ نے صرف ڈیڑھ مہینے میں تحریر فرمائی تھی۔ · حضرت والا رحمۃ اللہ علیہ کے در د بھرے بیان سے حضرت کے شیخ و مرشد حضرت مولانا ابرار الحق صاحب ہردوئی رحمۃا للہ علیہ جیسے قوی القلب بھی رونے لگتے تھے ۔ · حضرت والا رحمۃ اللہ علیہ کے بارے میں شیخ العرب والعجم ہونے کی حضرت مولانا شاہ محمد احمد صاحب رحمۃ اللہ علیہ کی عظیم الشان بشارت · اللہ کا راستہ ملتا ہے اہل اللہ سے! | ||